Երևանի մետրոպոլիտենը հայտնում է, որ «Գործարանային» կայարանի մուտքի հարակից տարածքում այս օրերին ընթանում են բարեկարգման և մաքրման աշխատանքներ։
Տարածքը շուրջ երեք տասնամյակ չէր վերանորոգվել, և այժմ այն աստիճանաբար ստանում է նոր, խնամված տեսք։ Մաքրվում են տարիների ընթացքում փոշով ու անձրևների հետքերով պատված բազալտե և տուֆե պատերը, վերականգնվում է տարածքի նախնական գեղեցկությունը։
Մետրոպոլիտենը դիմել է ուղևորներին՝ հայցելով ժամանակավոր անհարմարությունների հանդեպ ըմբռնում, վստահեցնելով, որ աշխատանքների ավարտից հետո կայարանը կհանդիպի ուղևորներին ավելի հարմարավետ ու գեղեցիկ տեսքով։
