Հայաստանը ներառվել է The New York Times հեղինակավոր միջազգային պարբերականի կողմից 2026 թվականին առաջարկվող զբոսաշրջային ուղղությունների ցանկում՝ զբաղեցնելով 20-րդ հորիզոնականը աշխարհի լավագույն ուղղությունների շարքում։
Այդ մասին սոցցանցերում հայտնել է ՀՀ էկոնոմիկայի նախարարության Զբոսաշրջության կոմիտեն՝ հրապարակելով պարբերականի համապատասխան հոդվածը։
«Սա ևս մեկ անգամ հաստատում է, որ Հայաստանը գրավիչ ուղղություն է իր հնագույն մշակույթով, գինու հարուստ ավանդույթներով և անկրկնելի բնությամբ։ Բացահայտեք Հայաստանը 2026-ին»,– ասվում է կոմիտեի տարածած հաղորդագրությունում։
The New York Times-ի ամենամյա զբոսաշրջային ցանկը համարվում է ոլորտում ազդեցիկ ուղեցույց՝ ձևավորելով միջազգային զբոսաշրջային հոսքերի առաջնահերթությունները։
