Հայաստանի և Չինաստանի միջև գործարկվել է նոր մուլտիմոդալ տրանսպորտային երթուղի, որը երկու երկրները կապում է Ղազախստանի, Թուրքմենստանի և Իրանի տարածքով։
Ինչպես հայտնել է Աստանայի դիվանագիտական ակումբի նախագահ Կայիրբոլատ Սախմետովը, երթուղու գաղափարը առաջացել է ղազախա-հայաստանյան բիզնես ֆորումի ընթացքում, և արդեն մի քանի ընկերություններ հաջողությամբ օգտագործել են այն։
Նրա խոսքով՝ Չինաստանից բեռները Ղազախստան են մուտք գործում Խորգոսի անցակետով, այնուհետև անցնում են Ուզբեկստանի, Թուրքմենստանի և Իրանի տարածքով՝ հասնելով Հայաստան։
Սախմետովը ընդգծել է, որ երթուղին արդեն փորձարկվել է և ցույց է տվել իր բարձր արդյունավետությունը․ բեռների փոխադրման ժամանակը տատանվում է 9-ից 20 օր, մինչդեռ գործող այլ երթուղիներով այն կարող է տևել մինչև 45 օր։
Նոր մուլտիմոդալ երթուղին նախատեսված է ոչ միայն արագացնելու բեռնափոխադրումները, այլև ամրապնդելու Հայաստանի լոգիստիկ կապերը Կենտրոնական Ասիայի և Չինաստանի հետ, ստեղծելով նոր հնարավորություններ արտահանման և տարանցման ոլորտում։
