Կառավարությունը վավերացրել է ԵԱՏՄ–ԱՄԷ տնտեսական գործընկերության համաձայնագիրը, որով հայկական արտահանման շուրջ 95%-ը կօգտվի մաքսային արտոնություններից։
Համաձայնագրով Հայաստանից ԱՄԷ ներմուծվող ապրանքների միջին մաքսատուրքը կնվազի 6%-ից մինչև 2.6%։ Արտոնյալ ռեժիմը կգործի նաև Հայաստանի համար կարևոր ապրանքների՝ ծխախոտի, ալկոհոլի, շոկոլադի, հյութերի համար, ինչը կուժեղացնի դրանց մրցունակությունը՝ Պարսից ծոցի շուկայում։
Կառավարության գնահատմամբ՝ այս համաձայնագիրը կարող է զգալիորեն մեծացնել արտահանումը․
- գյուղատնտեսական արտահանումը՝ 1.5 մլն դոլարից մինչև 10 մլն դոլար,
- արդյունաբերական արտահանումը՝ 9.5 մլն դոլարից մինչև 25 մլն դոլար։
Փաստաթուղթը ներառում է նաև զարդերի և հղկված ադամանդների արտահանումը՝ արտոնյալ մուտքի ռեժիմով։
