Ռոսսելխոզնադզորի հրապարակած տվյալների համաձայն՝ 2025 թվականի սկզբից ի վեր Հայաստանը 1.5 անգամ ավելացրել է մրգերի և բանջարեղենի արտահանումը Ռուսաստան՝ հասնելով 103.4 հազար տոննայի, մինչդեռ նախորդ տարվա նույն ժամանակահատվածում այդ ցուցանիշը կազմել էր 69.6 հազար տոննա։
Զգալի աճ է գրանցվել նաև կտրված ծաղիկների արտահանման ոլորտում՝ 47%-ով։ Ռուսաստան արտահանված ծաղիկների ընդհանուր քանակը կազմել է ավելի քան 71.1 միլիոն հատ, նախորդ տարվա 48.5 միլիոնի դիմաց։
Այս աճը վկայում է Հայաստանի գյուղատնտեսության և արտահանման ոլորտի ակտիվացման, ինչպես նաև Ռուսաստանի շուկայում հայկական արտադրանքի մրցունակության բարձրացման մասին։
