«Հայաստանի պետական պարտքի ծավալը զարգացող երկրների միջինից ցածր է։ Կայուն տնտեսական աճը և ներքին պահանջարկի ավելացումը առաջացնում են բյուջեի լրացուցիչ եկամուտներ՝ հնարավոր դարձնելով արդյունավետորեն կառավարել պարտքի բեռը»,- նշել է ասել է ԵԶԲ երկրների վերլուծական կենտրոնի ղեկավար Մարինա Սոբոլևսկայան:
Բյուջեի ծախսերի ավելացումը, այդ թվում՝ փոխառու միջոցների հաշվին, կփոխհատուցվի ներդրումային ներուժի աճով և տնտեսական բազայի ընդլայնմամբ։ ԵԱԶԲ-ի խորհրդի նախագահի տեղակալ, գլխավոր տնտեսագետ Եվգենի Վինոկուրովը հավելեց, որ պետական պարտքը վերլուծելիս կարևոր է հաշվի առնել ոչ միայն դրա բացարձակ ծավալը, այլև սպասարկման արժեքը։
«Հայաստանի համար պարտքի սպասարկման արժեքը մնում է ցածր։ Պարտքի մեծ մասը գոյանում է ցածր տոկոսադրույքներով տրամադրվող սուվերեն վարկերից։ Բացի այդ, Հայաստանի կողմից կոմերցիոն պայմաններով տեղաբաշխված եվրոպարտատոմսերը ներգրավվել են չափազանց շահավետ պայմաններով»,- ընդգծեց նա։
