Հայաստանում ներդրվում է արտակարգ իրավիճակների համար նախատեսված միասնական հեռախոսահամար՝ 112, որի միջոցով կկազմակերպվի բոլոր շտապ ծառայությունների կանչերի ընդունումն ու մշակումը։

🔹 Ինչ է փոխվում

• Ոստիկանություն, շտապօգնություն, հրշեջ և փրկարարական ծառայություններն այսուհետ կաշխատեն մեկ միասնական համարով։

• ՆԳ նախարարության արագ արձագանքման կենտրոնները կմիավորվեն մեկ համակարգում։

🔹 Արձագանքման արագացում

• Զանգի միջին մշակման ժամանակը կկրճատվի 18 վայրկյանից մինչև 10 վայրկյան։

• Արձագանքման ընդհանուր ժամանակը կնվազի 23 րոպեից մինչև 10 րոպե։

🔹 Գործող համարները պահպանվում են

• Գործող արտակարգ համարները՝ 101, 102, 103 և 911, չեն չեղարկվի։

• Դրանք ավտոմատ կերպով կվերահղվեն 112 համարին։

🔹 Ինչու հենց 112

• 112-ը ընտրվել է որպես միջազգային ամենաճանաչելի արտակարգ հեռախոսահամարներից մեկը։

• Այն արդեն գործում է Եվրոպական միությունում և Ռուսաստանում։

Նոր համակարգի նպատակն է ապահովել ավելի արագ, համակարգված և արդյունավետ արձագանք արտակարգ իրավիճակներում՝ քաղաքացիների անվտանգության մակարդակը բարձրացնելու համար։