Հայաստանի կառավարությունը որոշել է մեկ տարով երկարաձգել կրիպտոարժույթի կանխիկի դիմաց գնման և վաճառքի թույլտվությունը։ Համապատասխան փոփոխությունները հաստատվել են կառավարության կողմից և կներկայացվեն Ազգային ժողովի քննարկմանը։

Սկզբնապես նախատեսվում էր, որ հուլիսի 4-ից օրենքի ուժի մեջ մտնելուց հետո նման գործարքները կկասեցվեն, սակայն իշխանությունները որոշել են սահմանել անցումային շրջան՝ ընկերություններին հնարավորություն տալով մեկ տարվա ընթացքում ստանալ Կենտրոնական բանկի լիցենզիա։

Մինչև 2026 թվականի հուլիսը ընկերություններին թույլատրվելու է իրականացնել կանխիկ գործարքներ հետևյալ սահմանափակումներով․

▫️ մեկ գործարքի առավելագույն գումարը՝ 300 հազար դրամ,

▫️ պարտադիր է հաճախորդի նույնականացումը,

▫️ բոլոր գործարքները պետք է գրանցվեն սահմանված կարգով։

Փոփոխությունների նպատակն է ապահովել ոլորտի վերահսկելիությունը և անցում կատարել լիարժեք կարգավորման։