Նոր iPhone 16-ի շնորհանդեսը կարող է տեղի ունենալ սեպտեմբերի 10-ին։ Տեղեկությունը հայտնել է ինսայդեր Մաջին Բուուն: Նա սոցցանցերի իր էջերում հրապարակել է հրավիրատոմսը, որը, ենթադրաբար, կսկսեն հյուրերին ուղարկել առաջիկա օրերին։
Արտահոսած տեղեկության համաձայն՝ միջոցառումը կանցկացվի «Ready. Set. Capture» կարգախոսով, ինչը կարող է մատնանշել iPhone 16 Pro-ի 16 Pro Max-ի տեսախցիկների հետ աշխատանքի համար նոր կոճակը։ Շնորհանդեսի ժամանակ Apple-ը կներկայացնի iPhone 16-ի նոր մոդելները՝ նորացված դիզայնով և նոր ֆունկցիաներով։
Ընկերությունը կարող է նաև ներկայացնել

Apple Intelligence-ի նորարարական հնարավորությունները, որոնք հասանելի կլինեն այս տարի ավելի ուշ։
Բացի այդ, շնորհանդեսի ընթացքում կարող են ցուցադրվել նաև Apple Watch Series 10 ժամացույցի և AirPods ականջակալների նոր մոդելները, որոնք, ըստ որոշ տեղեկությունների, թողարկվելու են երկու տարբերակով։