Apple կորպորացիան հայտարարել է, որ իր արտադրանքի աշնանային շնորհանդեսը տեղի կունենա սեպտեմբերի 9-ին։ Այս մասին ասվում է ընկերության կայքում հրապարակված հաղորդագրությունում։

Ըստ ամենայնի, միջոցառմանն ամերիկյան ՏՏ հսկան կցուցադրի iPhone 16 սերիայի սմարթֆոններ և այլ սարքեր։

Ըստ The Verge-ի՝ ընկերությունը շնորհանդեսին հրավիրել է նաև լրագրողների և բլոգերների։ Միջոցառումը կանցկացվի Կուպերտինոյի Apple Park կորպորատիվ կենտրոնակայանում՝ Սթիվ Ջոբսի թատրոնում:

Միջոցառումն անցկացվելու է «It’s Glowtime» կարգախոսով։ Լրագրողների կարծիքով՝ շնորհանդեսի զգալի մասը նվիրված կլինի Apple Intelligence նեյրոնային ցանցին։

Apple Hub նախագծի աղբյուրներն ավելի վաղ հայտնել էին, որ iPhone 16-ի բազային արժեքը 799 դոլար կլինի, իսկ Pro տարբերակը կթանկանա 100 դոլարով՝ հասնելով 1099 դոլարի: