📷Հայաստանի ազգային գրադարանի անցյալն այսօր մեզ համար թերևս այսքան ակնառու չէր լինի, եթե չլինեին գրադարանի արխիվային լուսանկարները։

📅 Օգոստոսի 19-ին աշխարհում նշվում է լուսանկարչության օրը։ 1839 թվականի հենց այս օրը ֆրանսիական կառավարությունը պատենտավորեց Լուի Դագերի գյուտը և ամենքին այն ազատ գործածելու արտոնություն տվեց՝ իբրև անհատույց ընծա աշխարհին։

📜Լուի Դագերի անունն ընդգրկված է ֆրանսիացի 72 գիտնականների, գյուտարարների, ճարտարագետների ցանկում, որոնց մեծադիր անունները ոսկետառ դաջված են Էյֆելյան աշտարակի առաջին մակարդակի վերին մասում։

📸Լուսանկարչության համաշխարհային օրը լավ առիթ է արժանին մատուցելու անվանի լուսանկարիչներին և լուսանկարչության պատմությանը, խոսելու լուսանկարչական սարքերի և ծրագրերի արձանագրած հաջողությունների մասին։

📖Լուսանկարչության պատմության էջերում բազմաթիվ հայեր կան՝ Անդրանիկ Քոչար, Նեմրութ Բաղդասարյան, պոլսահայ Արա Գյուլեր, կանադահայ Յուսուֆ Քարշ, ամերիկահայ Հարի Քունդակչյան և շատ ուրիշներ։

✅Ազգային գրադարանը լուսանկարչական պատկերագրքերի, լուսանկարչական արվեստին նվիրված գրքերի հարուստ հավաքածու ունի, որը միշտ ձեր տրամադրության տակ է։

ՀԱԳ ֆբ էջից