Հայաստանի երեք քաղաքներում՝ Վանաձորում, Ալավերդիում և Հրազդանում, մթնոլորտային օդում փոշու պարունակությունը սեպտեմբերի 21-27-ն ընկած ժամանակահատվածում գերազանցել է սահմանային թույլատրելի կոնցենտրացիան։ Այս մասին տեղեկացնում է Հիդրոօդերևութաբանության և մոնիթորինգի կենտրոնը։

Կենտրոնի տվյալներով՝

◾️ Վանաձորում՝

• Վարդանանց փողոցի հարակից տարածքում փոշու մակարդակը բարձր է եղել սեպտեմբերի 24-26-ին,
• Ծատուրյան փողոցում՝ սեպտեմբերի 21-ին և 25-ին,
• Հերացի փողոցում՝ սեպտեմբերի 21-ին, 23-ին և 27-ին։

◾️ Ալավերդիում՝

• Սանահին սարահարթի Գայի փողոցի և Դեբեդի փողոցի հարակից տարածքներում՝ սեպտեմբերի 22-24-ին, ինչպես նաև Դեբեդի փողոցում՝ 27-ին։
• Սայաթ Նովա փողոցի շրջակայքում ցուցանիշները մնացել են նորմայի սահմաններում։

◾️ Հրազդանում՝

գերազանցումը գրանցվել է սեպտեմբերի 23-ին։

◾️ Գյումրիում՝

փոշու պարունակությունը նորմայի սահմաններում է։

Հիդրոօդերևութաբանության և մոնիթորինգի կենտրոնը շեշտում է, որ նմանատիպ բարձր ցուցանիշները կարող են պայմանավորված լինել եղանակային պայմաններով, տեղանքի ռելիեֆով և ավտոտրանսպորտի ակտիվությամբ։