Հրազդան քաղաքում վթարային վիճակում գտնվող թիվ 2 հիմնական դպրոցի շենքի փոխարեն կառուցվել է նոր կրթական հաստատություն։
Այս մասին հայտնել է վարչապետի աշխատակազմի ղեկավարի տեղակալ Տարոն Չախոյան-ը՝ հրապարակելով դպրոցի նախկին և ներկայիս տեսքը։
Նրա խոսքով՝ նորակառույց դպրոցը
• սեյսմակայուն է,
• նախատեսված է 432 աշակերտի համար,
• փոխարինում է նախկինում վտանգավոր համարվող շենքին։
«Մեր հերթական դղյակը՝ Հրազդանի աշակերտների համար», — նշել է Չախոյանը՝ շնորհավորելով համայնքի բնակիչներին նոր դպրոցի կառուցման առթիվ։
