Հյուսիս-հարավ ռազմավարական ավտոմայրուղու Քաջարան–Ագարակ 32 կիլոմետրանոց կառուցվող ճանապարհահատվածում իրականացվում են նաև երկու թունելի կառուցման աշխատանքներ։

Այս մասին տեղեկացնում է Ճանապարհային դեպարտամենտը՝ նշելով, որ կառուցվող հատվածը կարևոր նշանակություն ունի Հայաստանի հարավային մարզերի միջև կապի բարելավման և միջազգային տրանսպորտային երթուղու զարգացման համար։

Թունելների կառուցումը կբարձրացնի ճանապարհի անցանելիությունը, կկրճատի ճանապարհի երկարությունը և կբարելավի երթևեկության անվտանգությունը։