Միլիարդատեր Իլոն Մասկը հայտարարել է ԱՄՆ-ում նոր քաղաքական կուսակցության՝ «Ամերիկայի կուսակցության» ստեղծման մասին։
«Այսօր ստեղծվել է «Ամերիկայի կուսակցությունը»՝ ազատությունը ձեզ վերադարձնելու համար»,- գրել է Մասկը X սոցիալական հարթակում։
Նա նշել է, որ այս քայլը պայմանավորված է նրանով, որ ԱՄՆ-ն այժմ ապրում է «սնանկության, վատնումների և կաշառակերության պայմաններում՝ միակուսակցական համակարգում, այլ ոչ թե ժողովրդավարության»։
Լրատվամիջոցները հայտնում են, որ դեռևս հայտնի չէ՝ արդյոք կուսակցությունը պաշտոնապես գրանցվել է, ով է այն ղեկավարելու և ինչ կառուցվածք կունենա։
