Tesla-ի գործադիր տնօրեն և X սոցիալական կայքի սեփականատեր Իլոն Մասկը գերազանցել է 2021 թվականի սեփական ռեկորդը և դարձել պատմության ամենահարուստ մարդը՝ ըստ Bloomberg-ի միլիարդատերերի ինդեքսի։ Մասկի կարողությունը վերջին շաբաթվա ընթացքում աճել է 35 մլրդ դոլարով և այժմ գնահատվում է 348 մլրդ դոլար։

Amazon-ի հիմնադիր Ջեֆ Բեզոսը նահանջել է երկրորդ տեղ։ Նրա կարողությունը գնահատվում է 219 միլիարդ դոլար:

Լավագույն եռյակը եզրափակում է Oracle Corporation-ի ղեկավար Լարի Էլիսոնը: Նրա կարողությունը գնահատվում է 206 միլիարդ դոլար։