Forbes-ի տվյալներով, չորեքշաբթի օրը Իլոն Մասկի ակտիվների ընդհանուր արժեքը բորսայական առևտրի ընթացքում կարճ ժամանակով գերազանցել է 500 միլիարդ դոլարը, ինչը նրան դարձրել է պատմության մեջ առաջին մարդուն, որի կարողությունը հասել է այս սահմանին: Միաժամանակ, ակտիվների արժեքը որոշակիորեն նվազել է՝ հասնելով մոտ 499 միլիարդի:
Տարեսկզբին Մասկի ընկերությունների, մասնավորապես Tesla-ի բաժնետոմսերի գինը որոշակի անկում էր գրանցել, սակայն Սպիտակ տնից հեռանալուց հետո դրանք կրկին աճել են:
Ներկայումս Մասկը աշխարհի ամենահարուստ մարդու կոչման համար զգալի առաջ է իր հիմնական մրցակիցներից՝ Oracle-ի հիմնադիր Լարի Էլիսոնից, որի կարողությունը մոտ 350 միլիարդ դոլար է: Չնայած սեպտեմբերին Էլիսոնը կարճ ժամանակով առաջ էր անցել Մասկից՝ Oracle-ի բաժնետոմսերի աճի շնորհիվ, Tesla-ի և Մասկի մյուս ընկերությունների բաժնետոմսերի գնի վերականգնումը նրան կրկին վերացրել է առաջին հորիզոնականին:
