Իրանի նախագահ Մասուդ Պեզեշկիանը մեծ պատվիրակության հետ օգոստոսի 18-21-ը պաշտոնական այցով կայցելի Հայաստան։

Այցի շրջանակում օգոստոսի 19-ին Երևանում նախատեսվում է հայ-իրանական գործարար ֆորում, որի ընթացքում կքննարկվեն երկկողմ տնտեսական համագործակցության հնարավորությունները։

Ֆորումին կմասնակցեն Իրանի տնտեսության հիմնական ոլորտների ներկայացուցիչներ՝ արդյունաբերությունից և շինարարությունից մինչև դեղագործություն և թեթև արդյունաբերություն։