Երուսաղեմի Հայոց պատրիարքարանը մեղադրել է Իսրայելի իշխանություններին կրոնական կազմակերպության դեմ «անարդար, նպատակային և կեղտոտ հարկեր» գանձելու մեջ, ինչն ուղղված է եկեղեցու ներկայությունը Սուրբ Երկրում նվազեցնելուն։ Երուսաղեմի քաղաքապետարանը ձգտում է բռնագրավել դարեր շարունակ իրեն պատկանող գույքը և այն աճուրդի հանել՝ 1994 թվականից ի վեր իբր գոյացած համայնքային պարտքերը հավաքելու համար: Եկեղեցին ասում է, որ այս պնդումները «երբեք չեն ապացուցվել դատական գործընթացներում, և մինչ այժմ սովորական պրակտիկաների միջոցով երբեք չեն իրականացվել»:
Կառույցը նախազգուշացրել է, որ եթե բռնագրավման գործընթացը շարունակվի, այն կարող է «նախադեպ դառնալ Երուսաղեմի բոլոր քրիստոնյա համայնքների դեմ»։
«Եթե, Աստված մի արասցե, պատրիարքարանի միջնորդությունը մերժվի, Երուսաղեմի քաղաքապետարանը կալանք կդնի Պատրիարքարանին պատկանող անշարժ գույքի վրա և այն աճուրդի կհանվի՝ ենթադրյալ վիճելի պարտքերը վերականգնելու համար, որոնք երբեք չեն ապացուցվել դատական կարգով»,- ասվում է Երուսաղեմի հայոց պատրիարքարանի տարածած հաղորդագրության մեջ։
