Սեպտեմբերի 25-ի լույս գիշերը՝ ժամը 03։38-ին, Սյունիքի մարզային փրկարարական վարչության ճգնաժամային կառավարման կենտրոնում ահազանգ է ստացվել, որ Կապանի Գարեգին Նժդեհ փողոցում գտնվող Վաչագան գետի վրայով անցնող հիմնական կամուրջը վնասվել է։ Այս մասին հայտնում է ՆԳՆ փրկարար ծառայությունը։
Դեպքի վայր է մեկնել մարզային հրշեջ-փրկարարական ջոկատից մեկ մարտական հաշվարկ։
Փրկարարների և ոստիկանության իրականացրած գործողությունների արդյունքում պարզվել է, որ կամուրջի մի հատված վնասված է։ Տուժածներ չկան։ Տարածքը սահմանազատվել է, իսկ կամուրջը երկկողմանի փակվել է երթևեկության համար։
ՆԳՆ պարեկային ծառայությունը սահմանել է հերթապահություն՝ ապահովելու տարածքի անվտանգությունը։
📌 Քաղաքացիներին հորդորում են ընտրել այլընտրանքային ճանապարհներ։
