Սննդամթերքի անվտանգության տեսչական մարմնի կողմից իրականացված փորձաքննության արդյունքներով, «Բիոկաթ» ՍՊԸ-ի 5% յուղայնությամբ մածունի նմուշում հայտնաբերվել են աղիքային ցուպիկի խմբի մանրէներ (ԱՑԽՄ), ինչի արդյունքում այն չի համապատասխանում Մաքսային Միության տեխնիկական կանոնակարգով սահմանված պահանջներին:
Անվտանգության ցուցանիշի խախտման հիմքով կասեցվել է տվյալ արտադրատեսակի արտադրությունը։
Տեսչական մարմինը ձեռնարկում է համապատասխան վերահսկողական միջոցառումներ՝ բնակչությանը վտանգ սպառնացող սննդամթերքի շուկա մուտքը կանխելու նպատակով։
