Վահագն Խաչատուրյանը և Կարեն Բասը հանդիպման ընթացքում խոսել են Սիլիկոնյան հովտի ՏՏ ոլորտի խոշոր ներկայացուցիչների հետ փոխգործակցության ընդլայնման և Հայաստանում նրանց ներկայացուցչությունը խթանելու մասին։ Կողմերը քննարկել են նաև փորձի փոխանակման համատեղ ծրագրերի իրականացման հնարավորություններն ու ուղիները՝ Հայաստանում ամերիկյան լավագույն փորձը կիրառելու համար՝ տեղական ինքնակառավարման և հանրային ենթակառուցվածքներում իրականացվող բարեփոխումների շրջանակում։