Երեքշաբթի Մեծ Բրիտանիայի հեռահաղորդակցության ազգային կարգավորող մարմինը՝ Ofcom-ը, առաջարկել է երկրի հեռավոր շրջանների բջջային հեռախոսների սեփականատերերին օգտվել տվյալների ուղիղ փոխանցման տեխնոլոգիայից՝ սմարթֆոնից արբանյակ։

Այս տեխնոլոգիան կլրացնի սովորական ցանցերը՝ ապահովելով ոչ միայն 100%-անոց բջջային ծածկույթ ամբողջ Մեծ Բրիտանիայի տարածքում, այլև պահեստային կապ՝ արտակարգ անջատումների դեպքում։ Բացի այդ, այն կապ կապահովի ափամերձ ջրերում գտնվող նավերի համար և անընդհատ հասանելիություն կտա արտակարգ ծառայություններին։

2025 թվականի հունվարին Vodafone հեռահաղորդակցական ընկերությունը կատարել է աշխարհում առաջին տեսազանգը արբանյակով՝ հեռավոր վայրից՝ Արևմտյան Ուելսից։

Ofcom-ը, նոր կապի համակարգը բրիտանական օրենսդրությանը համապատասխանեցնելու համար, առաջարկում է փոփոխություններ կատարել գործող լիցենզավորման կանոններում՝ թույլ տալով բջջային օպերատորներին օգտագործել 3 ԳՀց-ից ցածր հաճախականությունները նաև ուղիղ արբանյակային կապի համար։ Բացի այդ, քննարկվում է նաև նոր լիցենզիայի ներդրումը՝ արբանյակային կապի ծառայությունների համար։

Եթե բոլոր տեխնիկական և օրենսդրական խնդիրները արագ լուծվեն, ապա Մեծ Բրիտանիայի օգտատերերը կկարողանան օգտվել ուղիղ տիեզերական կապից արդեն այս տարվա վերջին։