Առաջին հայ կին աշխարհի չեմպիոն, ծանրամարտիկ Նազիկ Ավդալյանը հիմնել է Սպորտի զարգացման հիմնադրամ, որի նպատակն է Հայաստանում խթանել առողջ ապրելակերպը, զարգացնել սպորտային ենթակառուցվածքները և ներգրավել հասարակության բոլոր շերտերը ֆիզիկական և հոգեբանական զարգացման համապարփակ գործընթացում։
Հիմնադրամի առաջին խոշոր նախագիծը իրականացվելու է Շիրակի մարզի Արթիկ համայնքի Փանիկ գյուղում, որտեղ կկառուցվի ժամանակակից մարզադպրոց՝ միջազգային չափանիշներին համապատասխան և լիարժեք ենթակառուցվածքով։
Հաջորդ հինգ տարիների ընթացքում նախատեսվում է կառուցել ևս երեք նմանատիպ մարզական համալիրներ Հայաստանի տարբեր շրջաններում, ինչն առավել կխթանի մարզական կյանքը և երիտասարդների ակտիվ մասնակցությունը սպորտային գործունեությանը։
