ՀՀ-ում ԱՄՆ դեսպանությունը հիշեցրել է, որ ներգաղթային վիզայի բոլոր դիմորդները պարտավոր են անցնել բժշկական հետազոտություն՝ դեսպանության կողմից հավատարմագրված բժշկի մոտ։

Դեսպանության տարածած հաղորդագրության համաձայն՝ բուժզննումը ներգաղթային վիզայի դիմելու պարտադիր փուլերից է և առանց դրա դիմումը չի կարող համարվել ամբողջական։

Դիմորդներին խորհուրդ է տրվում նախապես ծանոթանալ պահանջներին և բժշկական զննությունը կազմակերպել միայն հավատարմագրված մասնագետի մոտ՝ խուսափելու հնարավոր ուշացումներից կամ փաստաթղթերի թերի լինելուց։