ՀՀ էկոնոմիկայի նախարար Գևորգ Պապոյանի խոսքով՝ այս տարվա հունիս-օգոստոսին Ռուսաստան է արտահանվել 73,501 տոննա միրգ և բանջարեղեն, որից վերադարձվել է ընդամենը 998 տոննա կամ 1,36%։
Նախարարը նշել է, որ վերադարձված բեռներից 684 տոննան գրանցվել է հունիս-հուլիս ամիսներին, իսկ 314 տոննան՝ օգոստոսին․
«Այս մասով էլ որևէ տարօրինակ աճ չկա, և պահպանվել է նախորդ ամիսների համաչափությունը»։
Պապոյանը հավելել է, որ վերադարձված բեռների մեծ մասն ունեցել է փաստաթղթային խնդիրներ, այլ ոչ թե որակի։
