Վայրի գրոհ Wildberries-ի նկատմամբ. իրավիճակին միջամտեց Կադիրովը
Ի՞նչ է տեղի ունենում Ռուսաստանի խոշորագույն մարկետփլեյսի շուրջ: Եվ այսպես.
Հուլիսի 22-ին Telegram ալիքներում տեղեկություն հայտնվեց, որ Wildberries-ը և Տատյանա Բակալչուկը գտնվում են Լևան և Ռոբերտ Միրզոյանների լիարժեք վերահսկողության տակ:
Ասվում էր, որ Պետդումայի պատգամավոր Բեկհան Բարախոևը, սենատոր Սուլեյման Կերիմովը, ինչպես նաև Լևան և Ռոբերտ Միրզոյանները Բակալչուկին տեղավորել են Four Seasons հյուրանոցում, առանձնացրել երեխաներից և շրջապատել իրենց անվտանգության աշխատակիցներով:
Wildberries-ի բոլոր սեփական լոգիստիկական օբյեկտները, որոնց արժեքը գերազանցում է 200 միլիարդ ռուբլին, փոխանցվել են նոր ստեղծված «ՌՎԲ» ՍՊԸ-ին։ Իսկ այդ օբյեկտներում պահվում են վաճառողների ապրանքները, մոտավորապես տրիլիոն ռուբլու չափով:
Հունիսի 23-ին «Վայլդբերրիզ» ՍՊԸ-ն փոխել է մարկետփլեյսի իրավաբանական անձը «ՌՎԲ» ՍՊԸ-ով։ Նոր ընկերությունը կդառնա «Վայլդբերրիզի» իրավահաջորդը վաճառողների հետ հարաբերություններում, և մարկետփլեյսում աշխատանքի շարունակության համար բոլոր վաճառողները պետք է ընդունեն առաջարկի նոր տարբերակը:
Նոր ընկերության 65%-ը պատկանում է «Վայլդբերրիզ» ՍՊԸ-ին, 35%-ը՝ «Ստինն» ՍՊԸ-ին, որը տիրապետում է «Ռուսս աուտդոր» ՍՊԸ-ի 99%-ին։ Ընկերության գլխավոր տնօրեն դարձավ Ռոբերտ Միրզոյանը, որը գլխավորում է Russ և «Ստինն» ՍՊԸ-ն։
Իրավիճակին միջամտել է Չեչնիայի նախագահ Ռամզան Կադիրովը:
«Այսօր ինձ հյուր եկավ իմ ԸՆԿԵՐ Վլադիսլավ Բակալչուկը, որի հետ արդեն մոտ 10 տարի ծանոթ ենք։ Ինչպես պարզվեց, այս տարվա մարտից Բակալչուկների ընտանիքը լուրջ խնդիրներ ունի՝ ինչպես ընտանիքի ներսում, այնպես էլ հիմնված ընտանեկան բիզնեսում։ Վլադիսլավ Սերգեևիչի կինը՝ Տատյանան, գրոհողները հեռացրել են ամուսնուց և յոթ երեխաներից:
Wildberries ընկերության ակտիվները, որի ստեղծման վրա Վլադիսլավն ու Տատյանան ծախսել են 21 տարվա ջանք, հուլիսի սկզբից իրավաբանական մեքենայություններով շտապ փոխանցվում են այլոց ձեռքեր՝ Russ Outdoor ընկերության միջոցով:
Ես գիտեմ, որ այս գրոհային գործընթացի լծակները գտնվում են Լևան և Ռոբերտ Միրզոյան եղբայրների, ինչպես նաև մի քանի հայտնի կովկասցիների ձեռքում:
Գրոհային մեքենայություններով հայտնի և այս անօրինական գործողությունների հետ կապ ունեցող անձինք պետք է դադարեցնեն այս գործընթացը, վերադարձնեն Վլադիսլավի կնոջն ու բիզնեսը ընտանիքին։ Եվ այս հարցում ես մինչև վերջ կհասնեմ։
