Ռուսաստանի իշխանությունները օգոստոսի 1-ից մինչև ամսվա վերջ սահմանել են բենզինի արտահանման լիակատար արգելք, որը հնարավոր է երկարաձգվի նաև սեպտեմբերին։ Որոշումը կայացվել է ներկայումս բորսայում գրանցված գների ռեկորդային բարձր մակարդակի ֆոնին։
Արգելքն սահմանափակ ազդեցություն կարող է ունենալ Հայաստանի վրա՝ կախված մատակարարման եղանակից։
- Եթե բենզինը ներմուծվում է առևտրականների միջոցով, ապա մատակարարումները կդադարեցվեն։
- Իսկ եթե ներկրումն իրականացվում է միջպետական համաձայնագրերի հիման վրա, ապա մատակարարումները, ամենայն հավանականությամբ, կշարունակվեն։
Չնայած դրան՝ կարճաժամկետ խափանումներ կամ գների բարձրացում հնարավոր է՝ հատկապես շուկայում անորոշության պատճառով։
