Թրամփի վարչակազմը հայտարարել է Հարվարդի համալսարանին հատկացվող 2,2 միլիարդ դոլար դրամաշնորհների և 60 միլիոն դոլարի պայմանագրերի սառեցման մասին, քանի որ համալսարանը մերժել է վարչակազմի կողմից պահանջված քաղաքականության փոփոխությունները:
Հարվարդը չի ենթարկվի այդ պահանջներին՝ պնդելով, որ դրանք խախտում են համալսարանի անկախությունը և սահմանադրական իրավունքները: Համալսարանը մերժել է վարչակազմի պահանջները, որոնք ներառում են բազմազանության, հավասարության և ներառման ծրագրերի վերացում, բողոքի ակցիաների ժամանակ դիմակների արգելք, ընդունելության և աշխատանքի ընդունման գործընթացներում վաստակի վրա հիմնված մոտեցման կիրառում, ինչպես նաև հասարակական ակտիվիզմին նվիրված դասախոսների լիազորությունների սահմանափակում:
Հարվարդի դասախոսների ամերիկյան ասոցիացիան դատական հայց է ներկայացրել Թրամփի վարչակազմի դեմ՝ պահանջելով անհապաղ կասեցնել ֆինանսավորման կրճատումները:
Թրամփի վարչակազմը սպառնացել է նաև ֆինանսավորման կրճատումներով այլ բուհերին։ Վարչակազմի պահանջները կապված են բուհերում հակասեմիտիզմի դեմ պայքարի հետ՝ Իսրայել-Համաս պատերազմի ֆոնին տեղի ունեցած միջադեպերից հետո:
