Շվեյցարիան և ԱՄՆ-ն ձեռք են բերել պայմանավորվածություն, որի համաձայն նախագահ Դոնալդ Թրամփի վարչակազմը շվեյցարական ներմուծման վրա կիրառվող մաքսատուրքերը 39%-ից կկրճատի մինչև 15%։ Համաձայնագրի շրջանակում Շվեյցարիան պարտավորվել է 200 միլիարդ դոլարի ներդրումներ կատարել ԱՄՆ-ում, հայտնում է BBC-ն։
Շվեյցարիայի էկոնոմիկայի նախարար Գի Պարմելենը համաձայնությունը որակել է որպես «մեծ թեթևացում»՝ ընդգծելով, որ անցյալ տարվա օգոստոսին ուժի մեջ մտած լրացուցիչ մաքսատուրքերը զգալի վնաս էին հասցրել շվեյցարական տնտեսությանը։
Պարմելենի խոսքով՝ վճռորոշ դեր է ունեցել Շվեյցարիայի առաջատար բիզնես առաջնորդների վերջին այցը Սպիտակ տուն։ Նրանց հանդիպումը Թրամփի հետ կայացել է Օվալաձև աշխատասենյակում, որտեղ գործարարները ներկայացել են շքեղ նվերներով՝
- Rolex ոսկե ժամացույց
- 130 հազար դոլար արժողությամբ անհատականացված ոսկե ձուլակտոր (MKS ընկերությունից)
- Մյուս բարձրարժեք նվերներ շքեղ ապրանքների ոլորտից
ԱՄՆ առևտրային ներկայացուցիչ Ջեյմիսոն Գրիրը հաստատել է պայմանավորվածությունը՝ հայտնելով, որ «նախագահ Թրամփի բացառիկ գործարքները շարունակում են օգուտ տալ ամերիկյան ժողովրդին»։
Axios-ի տեղեկություններով՝ շվեյցարական պատվիրակության նվերներն ու ներդրումային խոստումները ուղղակիորեն ազդել են Թրամփի վրա, որը հայտնի է շքեղության և ոսկու նկատմամբ իր նախասիրությամբ։ Պարբերականի համաձայն՝ այդ հանդիպումից ընդամենը մի քանի օր անց Վաշինգտոնը որոշել է նվազեցնել մաքսատուրքերը արտասահմանյան շվեյցարական ապրանքների վրա։
