Spotify-ը գնալով ավելի շատ է ներդրումներ կատարում AI-ում՝ անհատականացնելու երգերի առաջարկությունները: Նրա վերջերս թողարկած AI DJ-ը նպատակ ունի օգնել ունկնդիրներին դուրս գալ իրենց հարմարավետության գոտուց և լսել նոր երաժշտություն:
Արհեստական ինտելեկտի ալգորիթմների համար, որոնք շատ լավ գիտեն, թե ունկնդիրը ինչ է ուզում և առաջարկում են հենց դա, մեծ խնդիր է կանխատեսելը, թե երբ է ունկնդիրը ցանկանում դուրս գալ իր հարմարավետության գոտուց: AI DJ-ը համատեղում է անհատականացման տեխնոլոգիան, գեներացնող AI-ն ու դինամիկ AI ձայնը: Ունկնդիրները, երբ ցանկանում են լսել ինչ-որ նոր բան կամ իրենց հավանածների շրջանակում ավելի քիչ առաջարկություններ ստանալ, կարող են պարզապես սեղմել DJ կոճակը:
Ամենապարզ ձևակերպմամբ AI DJ-ը իրենից ներկայացնում է հետևյալը՝ «օգտատերերը, որոնք հավանել են Y-ը, հավանել են նաև Z-ը: Մենք գիտենք, որ Ձեզ դուր է գալիս Y-ը, ուրեմն դուր կգա նաև Z-ը»: DJ-ի գործարկումը ցույց է տվել, որ երբ DJ-ի ունկնդիրները անձնական երաժշտության առաջարկությունների հետ մեկտեղ լսում են մեկնաբանություններ, նրանք ավելի հակված են նոր բան փորձելու (կամ լսել երգ, որը նրանք այլ կերպ կարող էին բաց թողնել):
Այս գործիքի հաջողության դեպքում ոչ միայն ունկնդիրները կշահեն, այլ նաև երաժիշտները, որոնք ձգտում են կապեր հաստատել նոր երկրպագուների հետ:
