ՀՀ նախարարների կաբինետը հունվարի 22-ի նիստում հաստատել է որոշում, որով նախատեսվում է հայոց այբուբենի հուշարձանի տեղադրում Ֆրանսիայի Ստրասբուրգ քաղաքում, Եվրոպական խորհրդարանի շենքին հարակից տարածքում։

Որոշումն ընդունվել է Եվրոպական խորհրդարանի նախագահ Ռոբերտա Մեցոլայի հետ ձեռք բերված համաձայնության հիման վրա։

Հուշարձանի տեղադրումը կունենա խորհրդանշական և քաղաքական նշանակություն․ այն կկանգնեցվի՝

▫️ ի նշան Հայաստանի ինքնիշխանության և տարածքային ամբողջականության ճանաչման,

▫️ ի աջակցություն Հայաստան–ԵՄ գործընկերության խորացմանն ուղղված նախաձեռնությունների։

📌 Քանդակը ձեռք կբերվի մեկ մատակարարից՝ «Գնումների մասին» օրենքով սահմանված կարգով։

Նախաձեռնությունը դիտարկվում է որպես մշակութային դիվանագիտության կարևոր քայլ, որը միաժամանակ ներկայացնում է հայ ժողովրդի ինքնությունը, լեզվական ժառանգությունն ու եվրոպական արժեքների հետ կապը։