Հայաստանում օդի որակի վերահսկման համակարգը կստանա ժամանակակից տեխնոլոգիական թարմացում՝ Ճապոնիայի աջակցությամբ։ Ճապոնական կողմը կտրամադրի նոր ավտոմատ սարքավորումներ՝ օդի մոնիթորինգի երեք կայանների համար։

Նախկինում գործածվող կայանները տվյալներ էին ներկայացնում մինչև 3 օր ուշացումով և չէին չափում օդի աղտոտվածության կարևոր ցուցանիշները՝ PM10, PM2.5 (փոշու մանր մասնիկներ) և CO (ածխածնի մոնօքսիդ)։

Նոր սարքավորումների շնորհիվ՝

• Տվյալները կլինեն արագ և ճշգրիտ,

• Մոնիթորինգը կկատարվի ռեալ ժամանակում,

• Արդյունքները հասանելի կլինեն քաղաքացիներին առցանց,

• Օդի որակի վերաբերյալ պատկերն ավելի ամբողջական կլինի՝ ապահովելով տեղեկացված որոշումներ և կանխարգելիչ միջոցառումներ։

Ծրագիրն իրականացվում է Ճապոնիայի միջազգային համագործակցության գործակալության (JICA) աջակցությամբ և նպատակ ունի բարձրացնել շրջակա միջավայրի պահպանման արդյունավետությունը Հայաստանում։