Ջրվեժի Woods Center համալիրը, որը բացվել է այս տարի, բաղկացած է երկու մասնաշենքից՝ Woods տեխնոհաբից և Ardy տեխնո ակադեմիայից։ Ներկայումս ընթանում է երրորդ մասնաշենքի կառուցումը , որտեղ կտեղակայվեն ժամանցի տարածքներ, ինտերակտիվ թանգարան, խաղերի փաբ, տարածքներ ստեղծագործ բնակիչների համար, կանաչ հանգստի գոտի՝ մանկական խաղահրապարակով։ Գործելու է նաև փակ ավտոկայանատեղի 80 մեքենայի համար։ Աշխատանքները շուտով կավարտվեն։ Նախատեսվում է նաև բնակելի շենք կառուցել աշխատակիցների և ուսանողների համար։ Բացի այդ, Renderforest ընկերությունը ակտիվորեն աշխատում է Ջրվեժա ազգային պարկի (նախագիծը մշակվել է Electric Architects-ի կողմից) Տեխնոհաբի դիմաց գտնվող մեծ հատվածի բարեկարգման վրա։ Այն նույնիսկ մի փոքր կընդլայնվի։ Աշխատանքները նախատեսվում է սկսել տարեվերջին կամ գարնանը։ Համալիրում կա մոտ 600 աշխատատեղ, որոնց մեծ մասն արդեն զբաղված է։