Nokia-ն այսօր հայտարարեց, որ Team Telecom Armenia-ն կիրառել է 25G PON օպտիկամանրաթելային լուծում՝ դառնալով առաջին օպերատորներից մեկը Կովկասի և Կենտրոնական Ասիայի տարածաշրջաններում, որն ապահովում է շուկայում ամենաարագ ինտերնետի արագությունը: Տեխնոլոգիան թույլ է տալիս արագ փոխանցել մեծ քանակությամբ տվյալներ մինչև 25 գիգաբիթ/վրկ արագությամբ: Այսօր Team Telecom ցանցը, որը հիմնված է Nokia 25G PON տեխնոլոգիայի վրա, ընդգրկում է շուրջ 300 հազար տնային տնտեսություն ողջ Հայաստանում, և դրա շինարարությունը ակտիվորեն շարունակվում է։