Երևանի քաղաքապետարանը հորդորում է քաղաքացիներին՝ տրանսպորտային քարտերը ձեռք բերելուց հետո դրանք նախապես լիցքավորել, որպեսզի խուսափեն հնարավոր անհարմարություններից։

Քարտի լիցքավորման ակտիվացման համար պահանջվում է որոշակի ժամանակ, ուստի նախնական լիցքավորումը շատ կարևոր է։

Քարտերը հնարավոր է լիցքավորել հետևյալ եղանակներով․

• Telcell Wallet բջջային հավելվածի միջոցով,

• transport.yerevan.am կայքի միջոցով,

• Telcell տերմինալների միջոցով,

• Telcell սպասարկման կետերում,

• Մետրոյի կայարաններում՝ գանձապահների օգնությամբ։

Երևանի քաղաքապետարանը շնորհակալություն է հայտնում բոլոր քաղաքացիներին պատասխանատու վերաբերմունքի համար։