Տխուր ավարտ Trump մեմքոինի համար և ևս մեկ հիշեցում, որ նման մետաղադրամները ներդրումներ չեն, այլ կազինո: Տոկենի արժեքը կտրուկ ընկել է՝ $75-ից հասնելով $16-ի մեկ մետաղադրամի դիմաց, և հազարավոր ներդրողներ՝ 813 հազար կրիպտո դրամապանակներ, կորցրել են $2 միլիարդ ընդամենը մի քանի շաբաթվա ընթացքում: Մինչդեռ Trump Organization-ը և նրա գործընկերները վաստակել են $100 միլիոն՝ որպես միջնորդավճարներ:

Սպառողների իրավունքների պաշտպանության Public Citizen խումբն արդեն բողոք է ներկայացրել ԱՄՆ արդարադատության նախարարություն և Կառավարության էթիկայի գրասենյակ՝ պատճառաբանելով, որ Trump մեմքոինը կարող է օգտագործվել ԱՄՆ նախագահի վարչակազմի վրա «ազդեցություն գնելու» համար: