Yandex-ը գործարկել է «ՆեյրոԷքսպերտ» ծառայության բետա-տարբերակը, որը նախատեսված է փաստաթղթերի, շնորհանդեսների, աուդիո և վիդեոֆայլերի, ինտերնետային հղումների ու աղյուսակների հետ աշխատանքի համար, հայտնում է РБК-ն։
Ընկերությունը նախատեսում է, որ այս գործիքը կօգնի մեծածավալ տեղեկատվության հետ աշխատողներին՝ ուսանողներին քննություններին պատրաստվելու ժամանակ, դասախոսներին՝ դասընթացներ կազմելիս, ինչպես նաև մասնագետներին, օրինակ՝ հաշվետվություններ պատրաստելիս, երբ անհրաժեշտ տվյալները ցրված են տարբեր շնորհանդեսներում։
«ՆեյրոԷքսպերտը» կարող է գտնել անհրաժեշտ տեղեկատվությունը՝ առանց օգտագործողին բոլոր ֆայլերը ձեռքով ուսումնասիրելու։ Ընդգծվում է, որ ծառայությունն իր պատասխանները ձևավորում է բացառապես օգտատիրոջ տրամադրած աղբյուրների հիման վրա և հավելյալ տվյալներ չի ստեղծում։
