Երևանի քաղաքապետ Տիգրան Ավինյանը Forbes ամսագրին տված հարցազրույցում խոսել է մայրաքաղաքի զարգացող մշակութային և զբոսաշրջային կյանքի մասին՝ ընդգծելով, որ Երևանը ձևավորվում է որպես «մարդկանց համար քաղաք»։
Նրա խոսքով՝ վերջին տարիներին քաղաքը դարձել է միջազգային փառատոնների, համերգների և մշակութային նախաձեռնությունների կենտրոն։ «Երևանի բալետային» և «Ոսկե ծիրան» կինոփառատոնները խթանել են քաղաքի ճանաչելիությունը միջազգային հարթակում։ Բացի այդ, «Բոլշոյ» և «Մարիինյան» թատրոնների բացօթյա ներկայացումները Երևանը վերածել են համաշխարհային բեմի՝ մեծ թվով այցելուներ բերելով ինչպես Հայաստանից, այնպես էլ արտերկրից։
Քաղաքի մշակութային օրացույցում առանձնանում է նաև «Գինու օրեր» փառատոնը, որը ամեն տարի հավաքում է շուրջ 120 հազար այցելու, ինչպես նաև Jazz Fest-ը՝ սիրված թե՛ երևանցիների, թե՛ զբոսաշրջիկների կողմից։
Տիգրան Ավինյանը նշել է նաև, որ Երևանը շարունակում է ընդլայնել իր միջազգային կապերը․ շուտով կգործարկվի ուղիղ չվերթ դեպի Մադրիդ, ինչը, ըստ քաղաքապետի, ևս մեկ քայլ է դեպի ավելի բաց և մուտք գործելու համար հարմարավետ քաղաք դառնալու ուղղությամբ։
