Երևանի քաղաքապետ Տիգրան Ավինյանը հայտարարել է, որ Yerevan Electronic Services (Y.E.S.) հարթակը ստեղծվել է քաղաքապետարանի բոլոր ծառայությունները ամբողջությամբ թվայնացնելու նպատակով։
«Այս հարթակի միջոցով քաղաքացիները կարող են այսօր իսկ մուտք գործել, գրանցվել, իդենտիֆիկացվել և տանից օգտվել քաղաքապետարանի ծառայություններից՝ առանց հավելյալ խոչընդոտների», – նշել է Ավինյանը։
Ծրագրի նպատակն է ապահովել արդյունավետ, թափանցիկ և ժամանակակից քաղաքային կառավարում՝ ծառայությունները դարձնելով հասանելի բոլորի համար։
