Հիդրոօդերևութաբանության և մոնիթորինգի կենտրոնի տվյալներով՝ հոկտեմբերի 8-14-ը Երևանում մթնոլորտային օդի որակի ուսումնասիրության արդյունքները ցույց են տվել, որ մայրաքաղաքի մի շարք վարչական շրջաններում փոշու պարունակությունը գերազանցել է սահմանային թույլատրելի կոնցենտրացիան (ՍԹԿ)։

Փոշու բարձր մակարդակ է արձանագրվել՝

• Կենտրոնում՝ հոկտեմբերի 8-12-ը,
• Արաբկիրում՝ հոկտեմբերի 8-9-ին և 12-ին,
• Նոր Նորքում՝ հոկտեմբերի 8-11-ը,
• Շենգավիթում՝ հոկտեմբերի 9-ին։

Բացի այդ, ազոտի երկօքսիդի պարունակությունը նույնպես գերազանցել է ՍԹԿ-ն՝

• Նոր Նորքում՝ հոկտեմբերի 13-14-ը,
• Արաբկիրում՝ հոկտեմբերի 13-14-ը,
• Շենգավիթում՝ հոկտեմբերի 14-ին։
  Միայն Կենտրոն վարչական շրջանում այս ցուցանիշը չի գերազանցել սահմանային նորման։

Միաժամանակ, ծծմբի երկօքսիդի պարունակությունը դիտարկված բոլոր հատվածներում մնացել է թույլատրելի սահմաններում։

Մասնագետները նշում են, որ մթնոլորտային փոշու բարձր կոնցենտրացիաները պայմանավորված են եղանակային և երթևեկային գործոններով, ինչպես նաև կառուցապատման ինտենսիվությամբ։