Երևանի քաղաքապետարանը փոփոխություններ է նախաձեռնել կենտրոնական փողոցներում երթևեկության կազմակերպման նպատակով։

Հուլիսի 23-ից արգելվում է մեքենաների կանգառը հետևյալ հատվածներում․

• Պարոնյան փողոցում՝ Պարոնյան–Ձորագյուղ փողոցների խաչմերուկից մինչև Պարոնյան–Լեո փողոցների խաչմերուկ,

• Աբովյան փողոցում՝ Աբովյան–Հյուսիսային պողոտա խաչմերուկից մինչև Հանրապետության հրապարակ՝ աջ կողմում,

• Աբովյան և Բուզանդ փողոցների խաչմերուկից մինչև Հանրապետության հրապարակ՝ ձախ կողմում։

Քաղաքապետարանը կոչ է անում վարորդներին պահպանել նոր սահմանված կարգը և նախապես պլանավորել երթևեկությունը։