Քաղաքապետարանի նախաձեռնությամբ Երևանի մի շարք մարզադպրոցներում ու հանրակրթական դպրոցներում կազմակերպվում են բասկետբոլի անվճար դասընթացներ։

Ծրագրի նպատակն է խթանել առողջ ապրելակերպն ու սպորտի մասսայականացումը մանուկների ու պատանիների շրջանում, բացահայտել տաղանդավոր մարզիկներին ու նպաստել բասկետբոլի զարգացմանը Հայաստանում։

Դասընթացներն անցկացվում են պրոֆեսիոնալ մարզիչների ղեկավարությամբ ու ներառում են ինչպես ընդհանուր ֆիզիկական պատրաստվածություն, այնպես էլ բասկետբոլի տեխնիկայի ու մարտավարության ուսուցում։