Երևանի քաղաքապետարանը տեղեկացնում է, որ օգոստոսի 1-ից հասարակական տրանսպորտում աստիճանաբար շրջանառությունից կհանվի թղթային QR կոդով մեկերթ տոմսը։

Թղթային տոմսը նախատեսված էր հազվադեպ օգտվողների համար, սակայն սկսել է լայնորեն կիրառվել նաև ամենօրյա ուղևորների կողմից։ QR կոդի անորակ տպագրությունը հաճախ հանգեցնում է սկանավորման խնդիրների՝ ստեղծելով անհարմարություններ ուղևորների համար և խոչընդոտելով համակարգի կայուն աշխատանքը։

Թղթային տոմսը կփոխարինվի հետևյալ տարբերակներով՝

• տրանսպորտային քարտ
• անհպում բանկային քարտ (ՀՀ բոլոր բանկերից, բացի ՎՏԲ-ից)
• բջջային հավելված։