Այն կկապի Իսակովի և Արշակունյաց պողոտաները։ Հաջորդիվ այս ճանապարհը կապվելու է Մոնթե Մելքոնյան փողոցի հետ, որը կապում է Իսակովի պողոտան Աջափնյակ թաղամասի հետ։ Այսպիսով, Շենգավիթի և Էրեբունու տարածաշրջաններից դեպի Աջափնյակ և Արաբկիր տանող արագընթաց մայրուղի կհայտնվի։ Ծրագրի շրջանակներում Հրազդան գետի վրայով կկառուցվի մոտ 270 մետր երկարությամբ նոր կամուրջ։ Ճանապարհների ընդհանուր երկարությունը կկազմի 6,6 կմ։ Ծրագիրը նախատեսվում է ավարտել 2027 թվականի աշնանը, այն կիրականացվի Ասիական զարգացման բանկի 60 միլիոն եվրոյի վարկով։