Երևանի բոլոր վարչական շրջաններում շարունակվում են նոր ու հարմարավետ թեքահարթակների կառուցման աշխատանքները։ Նախաձեռնությունը նպատակ ունի հեշտացնել հենաշարժողական խնդիրներ ունեցող քաղաքացիների տեղաշարժն ու առօրյա գործունեությունը մայրաքաղաքում։

Ծրագրի շրջանակում նախատեսվում է կառուցել 400 թեքահարթակ, որոնցից արդեն շահագործման է հանձնվել 200-ը։

Երևանի քաղաքապետարանը վստահեցնում է, որ աշխատանքները կշարունակվեն՝ ապահովելով քաղաքի ավելի ներառական միջավայր։