ՀՀ նախագահ Վահագն Խաչատուրյանը պետական բարձր պարգև է հանձնել «Սինոփսիս Արմենիա» ընկերության նախագահ Երվանդ Զորյանին՝ նրա նշանակալի ներդրման համար Հայաստանի բարձր տեխնոլոգիական ոլորտի զարգացման և պետության հզորացման գործում։
Պարգևատրման արարողության ընթացքում նախագահը շնորհավորել է Զորյանին՝ նշելով.
«Դուք անցել եք օրինակելի ճանապարհ և ձեր գործունեության ընթացքում միշտ գործել եք Հայրենիքին ու պետությանը ծառայելու բարձր զգացումով»։
Նախագահ Խաչատուրյանը ընդգծել է նաև, որ Զորյանի գործունեությունը ոչ միայն խթանել է ինովացիաների զարգացումը, այլև մեծապես նպաստել է Հայաստանի որպես տեխնոլոգիական կենտրոնի կայացմանը։
