Զարթոնք գյուղում 19 տարի անց վերականգնվել է նախադպրոցական կրթության հնարավորությունը։ Գյուղում շահագործման է հանձնվել նոր, ժամանակակից պահանջներին համապատասխան մանկապարտեզ։
Մանկապարտեզի նախկին շենքը տարիներ շարունակ գտնվում էր վթարային վիճակում, ինչի հետևանքով գյուղի երեխաները զրկված էին կազմակերպված նախադպրոցական կրթություն ստանալու հնարավորությունից։ Նորակառույց մանկապարտեզը լուծում է այդ խնդիրը՝ ապահովելով երեխաների համար անվտանգ, հարմարավետ և կրթական միջավայր։
Ծրագրի իրականացմամբ Զարթոնքի փոքրիկները կրկին հնարավորություն ունեն կրթական գործընթացին մասնակցել իրենց համայնքում, իսկ ծնողների համար ստեղծվել են ավելի բարենպաստ պայմաններ։
«Բարով վայելեք Զարթոնքի սիրելի բնակիչներ»,– նշել է Տարոն Չախոյանը։
