Զվարթնոց օդանավակայանի բիզնես լաունջը նախատեսված է օդանավակայանի բիզնես դասի ուղևորների և հատուկ քարտեր ունեցողների համար (օրինակ Կոնվերս բանկի գոլդ քարտը), ինչպես նաև նրանց համար, ովքեր պատրաստ են վճարել հավելյալ գումար ծառայությունների համար։ Լաունջը տրամադրում է բարձրակարգ հարմարություններ, որոնք ապահովում են հարմարավետություն և հանգստի հնարավորություններ մինչ չվերթը:

Աստեղ կան այնպիսի ծառայություններ, ինչպիսիք են.

• 24 ժամ հասանելիություն,
• անվճար նախուտեստներ և ըմպելիքներ,
• ալկոհոլային խմիչքների լայն ընտրանի,
• սուրճ և թեյ,
• անվճար Wi-Fi,
• լոգանք ընդունելու հարմարություններ,
• հանգստի տարածք,
• հանդիպումների սենյակ,
• երեխային քնեցնելու վայր,
• ծխարան

Լաունջի հիմնական առանձնահատկությունները

• Հարմարավետություն: Լաունջում առկա են հարմարավետ նստարաններ և բազմոցներ, որոնք նախատեսված են հանգստի և աշխատանքի համար:
• Սնունդ և խմիչքներ: Տրամադրվում են անվճար թարմ սնունդ, խորտիկներ, ինչպես նաև սուրճ, թեյ և տարբեր խմիչքներ: Այստեղ կարելի է վայելել հայկական կոնյակ, որը ներկայացված է նորացված բարում և լավագույն հայկական գինիներից մեկը՝ «Կարաս»-ը
• Wi-Fi: Առկա է բարձրակարգ անվճար ինտերնետ կապ, որը հարմար է աշխատանքի և ժամանցի համար:
• Ամսագրեր: Առկա են տեղական և միջազգային թերթեր և ժուռնալներ:
• Հարմարություններ աշխատանքի համար: Առկա են վահանակներ, լաբթոփների և հեռախոսների համար, ինչպես նաև առանձնացված տարածքներ աշխատանքային հանդիպումների համար:
• Լոգախցիկ և ցնցուղ: Առկա են լոգասենյակներ, որոնցով կարելի է օգտվել լաունջում գտնվելու ընթացքում:

Զվարթնոց օդանավակայանի բիզնես լաունջը հայտնի է իր բարձրակարգ սպասարկումով և խնամքով ընտրված հարմարություններով, ինչը շատ կարևոր է երկար չվերթների ընթացքում հանգստանալու և վերականգնվելու համար:

Ի լրումն ավիաընկերությունների՝ բիզնես դասից օգտվող ուղևորների՝ «Զվարթնոց» միջազգային օդանավակայանի Բիզնես սրահը ողջունում է նաև հետևյալ քարտապաններին՝

• Priority Pass
• Lounge Key
• Diners Club
• Dragon Pass
• Converse Bank Premium

Ծառայությունից օգտվել ցանկացող ուղևորները կարող են վճարել 20.000 ՀՀ դրամ առցանց տարբերակով, քարտով կամ բանկում վճարելու դեպքում: Վճարումը տեղում կանխիկ տարբերակով իրականացնելու դեպքում ծառայության արժեքն է 25.000 ՀՀ դրամ:

Յուրաքանչյուր վճարում գործում է Զվարթնոց միջազգային օդանավակայանի Բիզնես սրահում 3 ժամ գտնվելու համար: